सुयोग दांडेकर

वाढतं वजन ही प्रत्येकालाच काळजी वाटणारी बाब असते. वाढणारं वजन कसं कमी करायचं. याबद्दलचं मार्गदर्शन या पुस्तकात आहे. रोजच्या आहारात कसे बदल करायचे, जेवणाच्या वेळा का पाळायच्या आणि वजन वाढणार नाही, यासाठी नेमका कसा आहार घ्यायचा याच्या टिप्स वैद्य सुयोग दांडेकर यांनी दिल्या आहेत.

गृहवैद्य- “फॅमिली डॉक्टर” ने  गौरवलेले पुस्तक
      वैद्य सुयोग दांडेकर ( आयुर्वेदाचार्य ) लिखित “गृहवैद्य” या पुस्तकातील एकूण ३४ प्रकारातील वेगवेगळे आजार, त्यांच्या निर्मूलनासाठी औषधोपचार तसेच आहाराविषयी मार्गदर्शन केलेले आहे.
      आयुर्वेदाला ५ हजार  वर्षांची परंपरा आहे. आयुर्वेदाचे ज्ञान इंद्राने भारद्वाजमुनींनी दिले. असे मानले जाते भारद्वाजमुनींचा शिष्य अग्निवेश याने सर्व प्रथम हे ज्ञान  ग्रंथबद्ध केले.

 सदर पुस्तकात १८५ प्रकारच्या आहार पथ्यरूप पदार्थांची माहिती, ऋतू, रोग, अवस्था विशेषांमध्ये कोणते पदार्थ खावे, कसे तयार करावे या संबंधीचे उपयुक्त मार्गदर्शन वाचकांना सर्वसामान्यपणे उपयोगी ठरेल असे आहे. विरुद्ध आहार प्रकाराविषयी व्यवहार्य माहिती आहे. आहारातील विविध पदार्थांचे माणसाच्या शरीरावर होणारे परिणाम आयुर्वेदाच्या पद्धतींनी व परिभाषेत संकलित केले आहेत. हे वाचकांना विचारांची व अभ्यासाची प्रेरणा देतील असे आहेत.